Главная
Регистрация

Вход
ՀԱՅԵՐ ՄԻԱՑԵՔ
Приветствую Вас Гость | RSSСреда, 2017-11-22, 09.27.38
[ Новые сообщения · Участники · Правила форума · Поиск · RSS ]
Страница 11 из 12«129101112»
Forum » ARMENIA » ՀԱՅ ԳՐԱԿԱՆՈՒԹՅՈՒՆ. Армянская Литература. » ԱՐԱՄԱՅԻՍ ՍԱՀԱԿՅԱՆ 1936-2013
ԱՐԱՄԱՅԻՍ ՍԱՀԱԿՅԱՆ 1936-2013
ARTARAMISДата: Суббота, 2014-04-19, 10.12.35 | Сообщение # 101
Генерал-полковник
Группа: A D M I N
Сообщений: 1380
Статус: Offline
ՄԱՐԴԻԿ

Այո, լեռները բարձր են, մշտարթուն,
Բայց քո ծննդին մարդի՛կ եկան տուն:
Երբ պետք է եղել շտապ օգնություն՝
Մարդկա՛նց ես դիմել և ոչ թե քամուն: 

Այո, բազում են ծառերն աշխարհի,
Բայց հարսանիքիդ պարեցին մարդի՛կ:
Լավն է ճախրանքը թևավորների,
Սակայն մարդի՛կ են քեզ հանում երկինք:

Այո, երկինքը անհուն է և խոր,
Բայց քեզ մարդի՛կ են սիրում, համբուրում:
Արագիլները սիրո՜ւն են, իրոք,
Բայց երեխաներ նրանք չեն բերում:

Ու երբ քո ժամը կգա վերահաս,
Ուռին չէ, մարդի՛կ ցավով կարտասվեն,
Մարդկա՛նց ուսերին այնտեղ կգնաս,
Եվ թե քեզ հիշեն՝ մարդի՛կ կհիշեն:


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.13.05 | Сообщение # 102
Генерал-полковник
Группа: A D M I N
Сообщений: 1380
Статус: Offline
ԻՄ ԸՆԿԵՐՆԵՐ, ԵԿԵՔ ԱՅՑԻ

Ով ծնողներ չունի՝ մի՛ կոչեք որբ:
Ով ընկերներ չունի՝ հենց նա է որբ:

Սիրտս բա՜ց է միշտ ձեր առաջ,
Իմ ընկերներ, եկեք այցի:
Եկեք, որպես գարնան շառաչ,
Որպես ճաճանչ լուսաբացի:
Ո՞ւր եք հիմա՝ հո՞ւր եք հիմա, 
Թե նման եք արդեն կայծի...
Սիրտս բաց է հյուրի առաջ,
Իմ ընկերներ, եկեք այցի:

Մի հուշ բերեք, մի նուշ բերեք
Զարմանալի մանկությունից:
Մտեք տո՜ւնս, կտրեք քո՜ւնս,
Փոխեք հո՜ւնս միանգամից:
Երգե՜ք, սուլե՜ք, իրա՜ր ձուլեք
Երգ ու երազ այգաբացի:
Սիրտս բա՜ց է լավի առաջ,
Իմ ընկերներ, եկեք այցի:

Ի՞նչ եք արել՝ ջի՞նջ եք արել
Պղտոր ջուրն ու երկինքն ամպած,
Սի՞րտ եք վառել՝ ճամփա դառել,
Վի՞շտ եք առել՝ հանուն մարդկանց:
Ձեզ ճանաչում՝ լա՛վն եմ տենչում,
Լավին կանչում աղուհացի:
Սիրտս բաց է մարդու առաջ,
Իմ ընկերներ, եկեք այցի:

Եվ թող բացվի, թող լրացվի,
Սիրով լցվի սիրտս հաճախ,
Դուք սե՜ր բերեք, հույսե՜ր բերեք -
Տունս դառնա սիրո օջախ:
Մարդը շա՜տ է թախծել կյանքում,
Թող նա միայն սիրո՜ւց թախծի:
Սիրտս բաց է սիրո առաջ,
Իմ ընկերներ, եկեք այցի:


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.13.58 | Сообщение # 103
Генерал-полковник
Группа: A D M I N
Сообщений: 1380
Статус: Offline
ԽՈՍՔ ԾՆՆԴՅԱՆՍ ՕՐԸ

Կուզեմ շատ ապրել, իմ բարեկամներ,
Որ ավելի շատ... լավություն անեմ:

Գոհ եմ, որ կյանքս դատարկ չի անցել,
Սիրել եմ, սիրվել, սիրում եմ էլի:
Ես մինչև հիմա չեմ հանգստացել,
Կհանգստանամ, երբ որ չեմ լինի:

Թեկուզ իմ կյանքը արել եմ ես կես,
Բայց դեռ իղձերիս կեսին չեմ հասել:
Սակայն ինչի էլ որ հասե՛լ եմ ես,
Միայն սեփական ուժով եմ հասել:

Ինձ և գովել են, և բարձրացրել,
Եվ հարվածել են ինձ նաև կյանքում,
Բայց ագռավներին ես չեմ նախանձել,
Որոնց չեն գովում և չեն կրակում...

Ես պարտաճանաչ՝ իմ խաչն եմ կրում
Եվ այս աշխարհից չունեմ մեծ պահանջ:
Ու թեև հիմա գրքե՛ր եմ գրում,
Բայց ընթերցո՛ղ եմ ամենից առաջ:

Գրելով երբեք չեմ հպարտանում,
Երբեք չեմ ասում՝ բանաստեղծ եմ ես:
Կյանքում ամեն մարդ իր գործն է անում,
Ես դա հիշում եմ հավիտենապես:

Լուռ հրդեհվում եմ, այրվում շարունակ՝
Ասելու հենց այն, ինչ այրում է ինձ,
Եվ գոհ եմ լինում լոկ այն ժամանակ,
Երբ գո՛հ են լինում մարդիկ ինձանից:

Խորունկ մի տենչ կա ձուլված իմ սրտին,
Եվ այն բոլորիս ուղին է հիմա.
Մեր ծանր պարտքը տանք ժողովրդին,
Որ թեթև լինի հողը մեր վրա...


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.14.59 | Сообщение # 104
Генерал-полковник
Группа: A D M I N
Сообщений: 1380
Статус: Offline
Ի՞ՆՉ ԻՄԱՆԱՍ ՈՎ ԿԼԻՆԻ

Ի՞նչ իմանաս ո՞վ կլինի
Հարևանը... քո շիրիմի:

Գուցե մեկը, ում տենչացել,
Բայց երբևէ չե՞ս մոտեցել:

Գուցե նաև մի անծանո՞թ,
Որ մի՛շտ պիտի մնա քեզ մոտ:

Գուցե նաև մի աշակերտ -
Հավե՜րժ դասի նստած քեզ հետ: 

Գուցե մեկը, որին դիմել -
Իր մոտ գործի չի՞ ընդունել:

Գուցե նաև մի թշնամի՞,
Որ արդեն հաշտ պիտի լինի:

Իսկ սիրելիդ ամենամոտ
Գուցե հանգչի ուրիշի մոտ...

Կյանքը կարճ է, մահը երկար,
Իրար նայենք մտերմաբար:

Ի՞նչ իմանանք ո՞վ կլինի
Հարևանը մեր շիրիմի:


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.15.22 | Сообщение # 105
Генерал-полковник
Группа: A D M I N
Сообщений: 1380
Статус: Offline
ԼՈՒՅՍ ԱՂԲՅՈՒՐ

Խոր ձորերի մեջ կորավ մի աղբյուր:
Թե լիներ նա մե՛ծ ճամփեքի վրա,
Հեռո՜ւն կհասներ համբավը նրա:


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.15.53 | Сообщение # 106
Генерал-полковник
Группа: A D M I N
Сообщений: 1380
Статус: Offline
ԾՆՆԴԱՎԱՅՐ

Իմ գյուղն անշո՜ւք է, սովորակա՜ն,
Բայց սիրտս դեպի նա՛ է սուրում:
Չէ՛ որ աշխարհում, իմ բարեկամ,
Գեղեցկությա՜մբ չեն մորը սիրում:


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.16.19 | Сообщение # 107
Генерал-полковник
Группа: A D M I N
Сообщений: 1380
Статус: Offline
ԱՐԾՎԱՇԵՆ

Դու ուսուցիչ, ես՝աշակերտ,
Իմ Արծվաշեն, իմ Ազնվաշեն...

Հայաստանի քարտեզում, Սևան լճից այն կողմ, տե՛ս,
Սահմանից դուրս կա մի գյուղ՝ ասես կղզի՝ սրտի պես:
Եթե եղել եք այնտեղ, նախանձում եմ ձեզ արդեն:
Դա հին Բաշքենդ գյուղն է մեծ, որ կոչվում է Արծվաշեն:

Այնտեղ սարե՜ր կան սիրուն, պաղ աղբյուրներ ու ջրվեժ:
Շիրիմներ կան դարավոր, որ ապրելու են հավերժ:
Եկեղեցի կա փոքրիկ՝ նոր անտառներ սլացիկ,
Եվ մի լճակ գեղեցիկ, որ սարքել են գյուղացիք:

Կա զոհվածի հուշարձան (տղերքն ինչո՞ւ ուշացան...), 
Անուններ կան գեղեցիկ՝ Չամչի աղբյուր, Զնգան քար:
Ավանդական կարգ ու ծես՝ դեռ հարգի են, ազդեցիկ: -
Որտեղ չկա առուծախ, այնտեղ ազնիվ են մարդիկ:

Գյուղն է կոչվում Արծվաշեն, արծիվ չկա բայց այնտեղ:
Այնտեղ մարդի՛կ են արծիվ, որ սիրում են աշխատել:
Բոլորինն է հյուրն ասես, ձեռքից-ձեռք են խլում միշտ:
Եվ թող մարդիկ լա՛վ ապրեն, ախր շատ են տեսել վիշտ:

Գյուղը չունի անցյալի հայտնի այրեր պատվական,
Գանձեր չունի բաղձալի, հայտնի վայրեր պատմական,
Բայց հողը, որ հերկվում է, հայրենի՜ է դարավոր,
Իսկ հայրենի հողն ի՞նչ է՝ միակ գանձն է զորավոր:

Ես ծնվե՛լ եմ այդ գյուղում: Ես ապրե՛լ եմ այդ գյուղում:
Հիմա որպես մի որդի՝ այս խոսքերն եմ քեզ ուղղում.
Ախ, երանի միշտ ապրեմ այնպես ազնիվ ու մաքուր,
Որ քո փառքին, Արծվաշեն, բերեմ արծվի մի փետուր...


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.16.51 | Сообщение # 108
Генерал-полковник
Группа: A D M I N
Сообщений: 1380
Статус: Offline
ԱՐՎԵՍՏԸ ՄԱՔՐՈՒՄ Է ՄԱՐԴԿԱՆՑ

Թող երգով անցնի ձեր օրը,
Արվեստը ոգի՛ տա, ո՛ւժ:
Ձեր կյանքի թող ամեն օրը
Դառնա գեղեցիկ մի հուշ:

Սիրեցեք ազնի՛վը, նո՛րը,
Սիրեցեք արվեստն անբիծ:
Արվեստով ապրած մի օրը
Թանկ է անարվեստ դարից:


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.17.24 | Сообщение # 109
Генерал-полковник
Группа: A D M I N
Сообщений: 1380
Статус: Offline
ԱՄԵՆ ՄԱՐԴ ԿԱՐՈՏ Է ԼԱՎ ԽՈՍՔԻ
«Արթնացիր և ապրիր»

Օրն սկսեք բարի խոսքով:
Եվ կտեսնեք, որ այդպիսով
Կյանքն ավելի կհեշտանա:

Օրն սկսեք բարի խոսքով:
Եվ մեծ մասամբ հենց այդ օրը
Բարությամբ էլ կվերջանա:

Թեկուզ և կան անարժաններ,
Բայց լավերին գոնե անբիծ
Դուք մի զրկեք բարի խոսքից:

Բարի խոսքից հեշտ բան չկա:
Դուք այն աշխարհ մի՛ տարեք այն,
Թե կարող եք՝ ասեք հիմա՛...


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
ARTARAMISДата: Суббота, 2014-04-19, 10.17.51 | Сообщение # 110
Генерал-полковник
Группа: A D M I N
Сообщений: 1380
Статус: Offline
ԵՐԱԽՏԻՔ

Ժամանակն ինչքան անցնի ու գնա
Հուշերն իմ սրտում ապրում են նորեն:
Ով ինձ օգնել է, թող միշտ իմանա,
Որ ես ամե՛ն օր հիշում եմ իրեն:

Ես վատին երբեք չեմ ուզում հիշել.
Հիվանդանում եմ՝ վատը հիշելիս:
Ես լավերին եմ ցանկանում հիշել.
Հզորանում եմ լավը հիշելիս:

Ես չեմ մոռացել բացարձակապես
Նույնիսկ բարությունն ամենափոքրիկ:
Եվ ամեն մեկի լավությունը ես
Պիտի հատուցեմ հարյուրապատիկ:


Այն հայը որ ազգը փոխի և այլ ազգ դառնա
Մահվան օրը հայ արցունքի նա չարժանանա
 
Forum » ARMENIA » ՀԱՅ ԳՐԱԿԱՆՈՒԹՅՈՒՆ. Армянская Литература. » ԱՐԱՄԱՅԻՍ ՍԱՀԱԿՅԱՆ 1936-2013
Страница 11 из 12«129101112»
Поиск:

ПРОЙДИТЕ РЕГИСТРАЦИЮ ЧТОБА НЕ ВИДЕТЬ РЕКЛАМУСайт создан в системе uCoz