Վահան Տերյան, 1885-1920
|
|
leo | Дата: Вторник, 2011-03-01, 22.52.08 | Сообщение # 31 |
Полковник
Группа: Друзья
Сообщений: 335
Статус: Offline
| Ես կըգամ, երբ դու մենակ կըմնաս Տրտում իրիկվա ըստվերների տակ, Երբ դու կըթաղես տենչերըդ խորտակ. Եվ վհատությամբ երբ կըհեռանաս... Ես կըգամ, որպես մոռացված մի երգ, Հյուսված աղոթքից, սիրուց ու ծաղկից. Քո մեռած սրտում կըլինի թախիծ, Ես կըկանչեմ քեզ դեպի ալլ եզերք։ Ես կըգամ, երբ դու կըլինես տրտում, Երբ երազներըդ հավետ կըմեռնեն, Ձեռքըդ կըբռնեմ, ցավըդ կըմբռնեմ, Կըվառեմ ուրիշ լույսեր քո հոդում... 1908
|
|
| |
leo | Дата: Вторник, 2011-03-01, 22.52.47 | Сообщение # 32 |
Полковник
Группа: Друзья
Сообщений: 335
Статус: Offline
| ԳԱՐՈՒՆ Գարունը այնքա՛ն ծաղիկ է վառել, Գարունը այնպե՛ս պայծառ է կրկին. — Ուզում եմ մեկին քնքշորեն սիրել, Ուզում եմ անուշ փայփայել մեկին։ Այնպե՛ս գգվող է երեկոն անափ, Ծաղիկներն այնպես նազով են փակվում. — Շուրջըս վառված է մի անուշ տագնապ, Մի նոր հուզում է սիրտըս մրրկում... Անտես զանգերի կարկաչն եմ լսում, Ւմ բացված սրտում հնչում է մի երգ. —Կարծես թե մեկը ինձ է երազում, Կարծես կանչում է ինձ մի քնքուշ ձեռք... 1908
Сообщение отредактировал leo - Вторник, 2011-03-01, 22.54.32 |
|
| |
leo | Дата: Вторник, 2011-03-01, 22.55.08 | Сообщение # 33 |
Полковник
Группа: Друзья
Сообщений: 335
Статус: Offline
| Մոռանա՜լ, մոռանա՜լ ամեն ինչ, Ամենին մոռանալ. Չըսիրել, չըխորհել, չափս՛ոսալ — Հեռանա՜լ... Այս տանջող, այս ճնշող ցավի մեջ, Գիշերում այս անշող Արդյոք կա՞ իրիկվա մոռացման, Մոռացման ոսկե շող... Մի վայրկյան ամենից հեռանալ, Ամենին մոռանալ.— Խավարում, ցավերում քարանալ Մեն-միայն... Մոռանալ, մոռանալ ամեն ինչ, Ամենին մոռանա՜լ... Չըսիրել, չըտենչալ, չըկանչել, Հեռանալ... 1908
|
|
| |
leo | Дата: Вторник, 2011-03-01, 22.55.59 | Сообщение # 34 |
Полковник
Группа: Друзья
Сообщений: 335
Статус: Offline
| ԴԱՐՁ Մի օր առհավետ կյանքս կանիծեմ Ու գունատ հույսի քայլերով տարտամ Կըգտնեմ ուղին հեռավոր քո տան Եվ թույլ ձեռներով դուռըդ կըծեծեմ։ Տըխուր կըժպտաս դու հոգնածորեն Ու հոգնածորեն դուռը կըբանաս — Սրտիս մութ ցավը անխոս կիմանաս, Եվ արցունքներըդ հանդարտ կըծորեն։ Եվ գթությունը քո քրոջական Սիրտըս կըլցնե խնդության լուսով, Քո սուրբ, ծնկները կըգրկեմ հուսով, Եվ կըհեկեկամ, և կըհեկեկամ...
Сообщение отредактировал leo - Вторник, 2011-03-01, 22.56.24 |
|
| |
leo | Дата: Вторник, 2011-03-01, 22.57.15 | Сообщение # 35 |
Полковник
Группа: Друзья
Сообщений: 335
Статус: Offline
| Իմ մոլոր ճամփին դու անկարծ իջար Քո գիշերային մեղմաշունչ մութով Եվ զարդարեցիր քո անուշ սուտով Իմ տըխուր կյանքի մշուշը խավար։ Սրինգե ձայնըդ հնչեց մութերում Աղբյուրի նըման զվարթակարկաչ. Գարնան խոսքերով կարմիր ու կանաչ Դու ինձ կանչեցիր դեպի քո հեոուն։ Ուրիշ ափերի թովիչ ձայնի պես, Քո շարժումները ուրվականային Ստվերապաճույճ իրիկնապահին Շղթայեցին ինձ օղակով անտես... Իրար ձուլվեցին իմ մեջ մահ ու կյանք, Հոգիս մատնեցի քո մառախուղին, Ընղմիշտ օրհնեցի անհաստատ ուղին, Ուր փարոսում ես դո՛ւ, քաղցր պատրանք... 1908
|
|
| |
leo | Дата: Вторник, 2011-03-01, 22.58.00 | Сообщение # 36 |
Полковник
Группа: Друзья
Сообщений: 335
Статус: Offline
| Ես չըգիտեմ` ո՛ւր են տանում հեռավոր Ուղիների ժապավեններն անհամար, Ես նստում եմ ճամփի վրա ամեն օր Ե՛վ աղոթում, և՛ թախծում եմ քեզ համար։ Եվ իմ մոլոր ուղիներում, ո՛վ գիտե, Գուցե մի օր դու երևաս լուսերես. Գուցե ժպտաս քո խոսքերով արծաթե Եվ մութ սրտիս նոր խնդության լույս բերես։ Օձանըման ոլորումով հեռախույս Ինձ կանչում են ուղիները բյուրավոր. Արդյոք ո՞ւր ես, խորհրդավոր արշալույս, Հանդիպումի երջանկության պայծառ օր... 1908
|
|
| |
leo | Дата: Вторник, 2011-03-01, 23.00.49 | Сообщение # 37 |
Полковник
Группа: Друзья
Сообщений: 335
Статус: Offline
| ԵՐԵԿՈ Երեկոն փըռեց իր թևերը մութ, Անուշ նիրհեցին երկինք ու երկիր.— Աչքերըդ փակիր, ինձ քնքուշ գրկիր, Սուտ կյանքին խառնիր երազանքը սուտ։ Լայն ըստվերները ընկան անաղմուկ, Անուշ նիրհեցին ծով, անտառ ու լեռ... Ես քեզ կըպատմեմ ոսկե հեքիաթներ, Իմ սիրուն մանուկ, իմ քնքուշ մանուկ... Կրծքիս դիր դեմքը քո տխրադալուկ, Մոռացիր կյանքի տառապանքը մութ, Սուտ կյանքին խառնիր երազանքը սուտ, Իմ սիրուն մանուկ, իմ քնքուշ մանուկ... Անուշ նիրհեցին ծով, անտառ ու լեռ, Ննջեցին անուշ երկինք ու երկիր. Աչքերըդ փակիր, ինձ քնքուշ գրկիր, Ես քեզ կըպատմեմ ոսկե հեքիաթներ... 1908
Сообщение отредактировал leo - Вторник, 2011-03-01, 23.01.15 |
|
| |
leo | Дата: Вторник, 2011-03-01, 23.01.56 | Сообщение # 38 |
Полковник
Группа: Друзья
Сообщений: 335
Статус: Offline
| Անանց կարոտն է իմ սիրտը տանջում, —Արդյոք ո՞ւր ես դու, արդյոք ո՞ւր ես դու. Քո անուշ ձայնն է հնչում ու կանչում, — Բայց դու անհաս ես, հավիտյան հեռու... Ելնում եմ դարձյալ անվերջ ճանապարհ, —Կըժպտա՞ս արդյոք, լուսեղեն երազ. Կրցրե՞ս սրտիս թախիծը խավար, Կընետե՞ս անուշ ցոլքերըդ վրաս... Թափառում եմ ու կարոտով կանչում, — Արդյոք կգտնե՞մ աշխարհում անհուն.— Բոլոր խոսքերում քո ձայնն է հնչում, — Բայց անհայտ ես դու, դու չունես անուն... 1908
|
|
| |
leo | Дата: Вторник, 2011-03-01, 23.02.35 | Сообщение # 39 |
Полковник
Группа: Друзья
Сообщений: 335
Статус: Offline
| Ես անջատված եմ հայրենի հողից, Հայր՚ենի տունըս՝ իմ սրտին օտար. Ինձ այրում Է միշտ մի անհագ թախիծ,— Հավիտյան դյութող անհայտ ճանապարհ... Հուզվում են, հոսում հեղեղները մեծ, Մագլցում վերև և թավալվում ցած, Զմրուխտե ջրեր, ձեզ ո՞վ վրդովեց, Հայրենական տուն, հավետ մոռացված... Միևնույն է ինձ Հյուսիս թե Հարավ,— Մի խենթ տագնապ կա իմ հիվանդ սրտում, Կա իմ հոգու մեջ մի անհագ ծարավ. — Հավիտյան օտար, հայրենակա՛ն տո՜ւն. 1908
|
|
| |
leo | Дата: Вторник, 2011-03-01, 23.03.18 | Сообщение # 40 |
Полковник
Группа: Друзья
Сообщений: 335
Статус: Offline
| Դու դեռ չես մեռել իմ հիվանդ սրտում, Դու դեռ ապրում ես երազի նման. — Բայց չէ՞ որ միշտ էլ երազ էր միայն Պայծառ պատկերըդ այս անապատում... Ես քեզ սիրում եմ, դու դեռ չես մեռել Ես ամենուրեք քե՛զ եմ որոնում. Դու, երազների լուսե օրրանում՝ Անո՛ւրջ, որ գուցե բնավ չես եղել... Քեզ իմ կարոտի կսկիծն է վառել Երազանքներում իմ նվիրական. Իմ քույր, իմ դահիճ, իմ սուրբ սիրեկան, Ես քեզ սիրում եմ, դու դեռ չես մեռել... 1908
|
|
| |
|